ريف دهشور

Dahshour by Fayrouz · جلسة واحدة

1 / 4

• 
• 
• 
• 

يالا بينا في رحلة مختلفة ومميزة لريف دهشور لأننا هاندمج فيها الفن مع الطبيعة، في قلب قرية الحرانية هانزور مكانين مفعمين بالفن في كل ركن فيهم وهانعرف قصص ملهمة وراها سنين من الإبداع المكان الأول مركز رمسيس ويصا واصف واللي هانشوف فيه لوحات ليس لها مثيل في فن النسيج اليدوي من صنع إيدين فنانات وفنانين من قلب قرية الحرانية والمكان التاني متحف آدم حنين وهو نحات مصري وفنان عالمي وأحد المشاركين في ترميم أبو الهول وبيضم حصيلة أعماله اللي أنتجها على مدار نصف قرن تقريبا. بعد الجرعة الفنية الدسمة دي هانتوجه للمزرعة بتاعتنا في ريف دهشور وسط النخيل واللون الأخضر اللي محاوطنا من كل جانب وهانبدأ يومنا بمشروب ساقع وبعدين نتحرك لعمل جولة بين الأراضي الزراعية نتعرف فيها على المحاصيل المزروعة ونشارك في حصادها ونستنشق هواء نقي ونتصور أحلى صور ونتمشى وسط الغيطان والنخيل وهانجرب نطلع النخل بنفسنا كمان عشان نعرف ازاي بيتم جمع البلح وبعدها بنرجع تاني عشان نخبز بنفسنا العيش في الفرن الفلاحي ونتغدى أحلى غداء مستوي وسط الحقول عبارة عن محاشي وطاجن بطاطس أو ملوخية وفراخ وسلطات وبعدها نحبس بالشاي ونحلي بفاكهة وعصير